Qostanaı oblysynda bir aptadan beri joǵalǵan shopan tabylmaı jatyr
QOSTANAI. KAZINFORM – Qostanaı oblysynda 5 qarashada aýyl turǵyny joǵalyp ketti, dep habarlaıdy Kazinform tilshisi.
Er adam Qarabalyq aýdany, Slavenka aýylyna mal izdeýge shyǵyp, qaıtyp oralmaǵan. Іzdestirý-qutqarý jumystary áli jalǵasyp jatyr.
Qostanaı oblysy Tótenshe jaǵdaılar departamentiniń málimetinshe, jumys berýshi shopannyń joǵalyp ketkeni týraly 5 qarashada habarlaǵan. Іzdeý operatsııasyna qutqarýshylar, polıtsııa qyzmetkerleri, jergilikti atqarýshy organdar, shekarashylar, eriktiler, múddeli azamattar, kınologtar, sondaı-aq izdestirý ıtteri men ushqyshsyz ushatyn apparattar jumyldyrylǵan.
Sondaı-aq jergilikti bılik ókilderi azamattarǵa kúzgi-qysqy aýa raıynyń qubylmaly jaǵdaıynda qaýipsizdik sharalaryn saqtaýdyń mańyzdylyǵyn eskertti.