Qostanaı oblysynda boran soǵyp, 47 jolaýshysy bar avtobýs tas jolda turyp qaldy
QOSTANAI. KAZINFORM – Qostanaı oblysyndaǵy tas jolda qarly boran Astanadan Ekaterınbýrgke baratyn halyqaralyq reısti toqtata jazdady. 47 jolaýshysy bar avtobýs dalada qalyp qoıdy.
Aýa raıynyń qolaısyzdyǵyna baılanysty Astana men Ekaterınbýrg arasynda júretin avtobýs tas joldyń qala mańynda toqtap qalǵan. Bortta 47 jolaýshy, onyń ishinde alty bala jáne tórt múmkindigi shekteýli adam bolǵan. Qatty jel jáne eshteńe kórinbeý jaǵdaıdy qıyndatqan.
Jolaýshylardyń qaýipsizdigin qamtamasyz etý úshin polıtsııa qyzmetkerleri jergilikti bılik organdary men Tótenshe jaǵdaılar departamenti ókilderimen birlesip, jolaýshylardy Qarasý aýdanyndaǵy Oktıabrskoe aýylyndaǵy jylytý stantsııasyna tasymaldady. Olar jyly ǵımaratqa ornalastyryldy, qajetti kómek kórsetildi jáne jaıly jaǵdaı jasaldy.
Shetel azamattary qazaqstandyq polıtsııa men qutqarýshylarǵa jedel áreket etkeni, qamqorlyq jasaǵany jáne nazar aýdarǵandary úshin alǵys bildirdi.
Aýa raıy turaqtalǵannan keıin jáne tańerteń kólik qozǵalysy qaıta ashylǵan soń, avtobýs polıtsııa patrýldik kúzetiniń baqylaýymen saparyn jalǵastyrdy.
Aıta keteıik, «QazAvtoJol» ulttyq kompanııasy eldegi joldardaǵy qazirgi ahýal týraly habarlady.