Qostanaı oblysynda bógettiń buzylatyny týraly jalǵan aqparat tarady

ASTANA. KAZINFORM – Belgisiz bireý aýdıo habarlama arqyly Qaratomar sý qoımasyndaǵy aǵyn sekýndyna 4800 tekshe metrge deıin ulǵaıady deı kele, sý bógetiniń buzylý qaýpi baryn aıtqan. Aqparat jalǵan bolyp shyqty.

Sý bógetiniń buzylatyny týraly derekti Tobyl-Torǵaı ınspektsııasynyń qyzmetkerleri joqqa shyǵardy.

«Messendjerler chattarynda aldaǵy ýaqytta aǵyzylatyn sý mólsheri sekýndyna 4800 tekshe metrge deıin artýy jáne Qaratomar sý qoımasy bógetiniń buzylý qaýpi týraly aýdıo aqparat taralýda. Bul aqparat shyndyqqa sáıkes kelmeıdi. Qazirgi ýaqytta sý aǵyny sekýndyna 3300 tekshe metr», - dep túsindirdi qyzmetkerler.

Aıta ketsek, Qostanaıda sý tasqynyna baılanysty tótenshe jaǵdaı jarııalandy. 

Odan bólek, búgin Qostanaı oblysynyń 4 aýdanynda tótenshe jaǵdaı rejımi engizildi. 

Eske sala keteıik, Úkimet basshysynyń orynbasary Qanat Bozymbaev Qostanaı oblysyna jumys saparymen barǵan edi. 

Sondaı-aq, Qostanaıda tasqynnan zardap shekken ár adamǵa 100 myń teńgeden ótemaqy tólene bastady.