Qostanaı oblysynda blogerge birneshe ret qylmys jasady degen kúdik keltirilip otyr

ASTANA. KAZINFORM – Polıtsııa 35 jastaǵy er adamdy jedel izdestirý sharalarynyń barysynda qyz zorlady degen kúdikpen ustady.

Qostanaı oblystyq Polıtsııa departamentiniń ókilderi zardap shekkenderdiń arasynda kámeletke tolmaǵan jastardyń joq ekenin málim etti.

Aldyn ala derekter boıynsha, zardap shekkenderdiń keıbirine er adam qaryzǵa aqsha berip, olar ony qaıtara almaǵan jaǵdaıda ıntımdik qarym-qatynas talap etken. Qarsylyq tanytqan jaǵdaıda olardy zorlaǵan.

Kúdikti sot sanktsııasymen qamaýǵa alyndy.

Qazirgi tańda tergeý áreketteri júrip jatyr, qajetti saraptaýlar taǵaıyndaldy.

Birneshe márte qatarynan jasalǵan qylmystar úshin er adamdy 9 jyldan 12 jylǵa deıin bas bostandyǵynan aıyrý jazasy kútip tur.

Ózge aqparattar tergeý múddesine sáıkes, jarııalanbaıdy.

Osyǵan deıin SQO-da blogerlerdiń 7 jylǵa sottalǵany týraly jazdyq.