Qostanaı oblysynda bıznes pen bıýdjet úshin elektr energııasynyń baǵasy tómendedi
ASTANA. KAZINFORM — 2024 jylǵy 1 sáýirden bastap QR UEM TMRK aýmaqtyq departamentteri rettelmeıtin elektrmen jabdyqtaýshy uıymdardyń lıtsenzııalarynyń qoldanylýyn toqtata turý jóninde sharalar qabyldady. Bul rette «Kostanaıskıı EnergoTsentr» JShS qosa alǵanda, retteletin elektrmen jabdyqtaýshy uıymdar úshin baǵalardy tabıǵı monopolııalar salasyndaǵy ýákiletti organ belgileıdi.
«Kostanaıskıı EnergoTsentr JShS Qostanaı oblysynyń kóptegen tutynýshylary úshin elektr energııasyn ótkizý jónindegi qoǵamdyq mańyzy bar naryqtyń sýbektisi bolyp sanalady. Retteý tutynýshylardyń árbir sanaty (jeke tulǵalar, zańdy tulǵalar, bıýdjettik uıymdar) úshin shekti tarıfterdi belgileý jáne tarıfterdi saralaý arqyly júzege asyrylady.
«QR Úkimeti qabyldaǵan sharalardyń nátıjesinde „Kostanaıskıı EnergoTsentr“ JShS elektr energııasyn ótkizý kólemi aıtarlyqtaı ósti. Eger buryn bekitilgen qurylymda iske asyrý kólemi bir jylǵa shamamen 650 mln kVt saǵ qurasa, onda 2024 jyldyń sońyna boljam boıynsha iske asyrý kólemi 920 mln kVt saǵ quraıdy, bul 41,5%-ǵa ósýge sáıkes keledi.
Osylaısha, Qostanaı oblysyndaǵy barlyq rettelmeıtin elektrmen jabdyqtaýshy uıymdardyń qyzmetin toqtata turý qosymsha ótkizý kólemderiniń aǵyny esebinen elektrmen jabdyqtaýdyń ózindik qunyn tómendetýge yqpal etti», — dep jazdy QR UEM Tabıǵı monopolııalardy retteý komıtetinen.
Osylaı, aǵymdaǵy jyldyń shilde aıynda departament Qostanaı oblysynda zańdy tulǵalar úshin tarıfti 6%-ǵa, al 2024 jylǵy 1 qazanda taǵy 15%-ǵa tómendetti. Nátıjesinde zańdy tulǵalar úshin tarıftiń jalpy tómendeýi 20%-dan asty.
Aıta ketý kerek, «Kostanaıskıı EnergoTsentr» JShS bastapqyda Tabıǵı monopolııalardy retteý komıtetiniń Qostanaı oblysy boıynsha departamentine elektrmen jabdyqtaý qyzmetteriniń baǵasyn 31,29 teńge/kVtsaǵ-tan 34,34 teńge/kVtsaǵ-qa deıin kóterý týraly habarlama jiberdi, bul 9,8% — ǵa ulǵaıýdy kózdeıdi. Bul ósimniń sebebi uıym 2024 jyldyń sońyna deıin tutynýshylardan jınaýdy josparlap otyrǵan 1,2 mlrd. teńgeden astam kólemde alynbaǵan tabysty esepke alý qajettigin kórsetti.
Osyǵan qaramastan, júrgizilgen saraptama nátıjeleri boıynsha usynylatyn qyzmetter kóleminiń ósýi esebinen energııamen jabdyqtaýshy uıymnyń 1,4 mlrd teńge mólsherinde qosymsha paıda alǵany anyqtaldy.
Osylaı, sýbektiniń jobalanatyn ortasha baǵasy negizdelgen baǵa deńgeıine deıin tómendetildi — 29,14 teńge/kVtsaǵ (QQS-syz), bul buryn qoldanysta bolǵan baǵadan 7%-ǵa az. Zańdy tulǵalar úshin tarıf QQS-syz kVt saǵ úshin 29,14 teńgeni (15%-ǵa tómendetý), al bıýdjettik uıymdar úshin QQS-syz kVtsaǵ úshin 67,34 teńgeni (14%-ǵa tómendetý) quraıdy.
Tómendetilgen tarıfter 2024 jyldyń 1 qazanynan bastap kúshine endi.
