Qostanaı oblysynda bes aýyldyq kitaphana jabyldy

QOSTANAI. KAZINFORM – Mekemelerdiń jabylýyna aýyl turǵyndarynyń syrtqa kóshýi sebep boldy, dep habarlaıdy Kazinform agenttiginiń menshikti tilshisi. 

Qostanaı oblysynyń mádenıet basqarmasy óńirde 5 kitaphana jabylyp, ekeýi kóshirilgenin málimdedi. 

– Osylaısha, aýdan ákimdikteriniń qaýlylarymen Grıshenskaıa aýyldyq kitaphanasy (Denısov aýdany), «Amangeldi ortalyqtandyrylǵan kitaphanalar júıesi» KMM-niń Aıtbaı aýyldyq kitaphanasy (Aıtbaı aýyly) (Amangeldi aýdany), Aqqarǵa aýylyndaǵy «Alash» agrofırmasy» JShS janyndaǵy kitaphana, Shevchenkovka aýylyndaǵy kitaphana bólimi (Jitiqara aýdany) jáne Harkov aýyldyq kitaphanasy (Áýlıekól aýdany) jabyldy, - dep habarlady vedomstvodan. 

Qarabalyq, Uzynkól aýdandarynda jabylǵan kitaphanalar basqa eldi mekenderge kóshirildi. 

2025 jyldyń 1 qańtaryndaǵy jaǵdaı boıynsha, oblysta 336 kitaphana jumys istep tur. 

Eske sala keteıik, buǵan deıin Almatyda ınklıýzıvti kitaphanalar ashylǵanyn habarlaǵan edik.