Qostanaı oblysynda balyq pıtomnıkterine zańsyz tólengen sýbsıdııalar óndirildi
QOSTANAI. KAZINFORM – Qostanaı oblysynyń mamandandyrylǵan tabıǵat qorǵaý prokýratýrasy júrgizgen tekserý barysynda balyq pıtomnıkterine zańsyz sýbsıdııa tólengeni anyqtaldy, dep habarlaıdy Qazaqstan Bas prokýratýrasynyń baspasóz qyzmeti.
Bul shyǵystar zań talaptaryna sáıkes kelmegen. Prokýratýra óz baqylaý aktisi negizinde oblys ákimdigin 66 mıllıon teńge somasyndaǵy negizsiz sýbsıdııalardy qaıtarý úshin sotqa talap-aryz túsirýge mindettedi.
2026 jyldyń 28 qańtarynda Qostanaı oblystyq soty talap-aryzdy qanaǵattandyryp, sot sheshimi zańdy kúshine endi.
Atalmysh is – tabıǵat resýrstaryn qorǵaý jáne memlekettik qarjyny tıimdi paıdalaný máselelerine qatysty júrgizilgen baqylaýdyń nátıjesi.
Eske sala keteıik, buǵan deıin Balqashta 100 keliden astam zańsyz balyq aýlaǵan 4 adam ustalǵanyn jazǵan edik.