Qostanaı oblysynda aýyl mektebindegi sýyqqa baılanysty ata-analar shaǵymdandy
QOSTANAI. KAZINFORM — Qostanaı oblysy Sarykól aýdanyndaǵy Ýrıtsk jalpy bilim beretin № 1 mektebi oqýshylarynyń ata-analary jylý júıesine qatysty máselelerge shaǵym aıtty. Bul aqparat áleýmettik jelilerde jarııalandy, dep habarlaıdy Kazinform agenttiginiń tilshisi.
Jekelegen oqý kabınetterindegi temperatýra asa tómen, qaýipti deńgeıge deıin túsip ketedi. Ata-analardyń aıtýynsha, mundaı jaǵdaı jyl saıyn qaıtalanyp keledi.
Bilim basqarmasynda mektep boıynsha jóndeý jumystaryn júrgizýge arnalǵan jobalyq-smetalyq qujattama ázirlengenin habarlady. Tıisti bıýdjettik ótinim oblystyq bıýdjettik komıssııanyń qaraýyna joldanǵan.
Sonymen qatar atalǵan bilim berý mekemesi 2026 jylǵa arnalǵan bilim nysandaryn jańǵyrtý jónindegi bekitilgen josparǵa engizilgen.
Buǵan deıin Sarykól aýdanyndaǵy aýrýhanada da sýyqqa qatysty shaǵymdar túsken. Turǵyndardyń aıtýynsha, jóndeý jumystarynan keıin keıbir bólmelerde aýa temperatýrasy tómen kórsetkishterge deıin túsip ketken.
Aıta keteıik, Qostanaı oblysynda qurylys talaptaryn buzǵan kompanııalar jaýapkershilikke tartyldy.