Qostanaı oblysynda aýdan ákimdikteri jer telimderine kezekti ádeıi jasyryp kelgen
QOSTANAI. KAZINFORM – Mundaı kemshilikterdi qoǵamdyq monıtorıng 10 qala jáne aýdan ákimdikterinen anyqtady.
QR Memlekettik qyzmet isteri agenttiginiń Qostanaı oblysy boıynsha departamenti úı salý úshin beriletin jer telimderin bólý týraly aqparattardy qasaqana jasyrý faktilerin anyqtady.
-QR Jer Kodeksinine sáıkes, jergilikti atqarýshy organdar toqsan saıyn ózderiniń resmı resýrstarynda jer kezeginde turǵan adamdar men berilgen jer telimderi týraly málimetterdi jarııalap otyrýy kerek. Alaıda, Áýlıekól, Qarasý, Naýyrzym, Sarykól, Qarabalyq, Amangeldi, Jankeldi, Uzynkól, Altynsarın aýdandary men Arqalyq qalasynyń ákimdikterinde mundaı málimetter joq bolyp shyqty,- dep habarlady vedomstvo ókilderi.
Osy kemshilikterdi joıý úshin departament tarapynan tıisti sharalar qolǵa alyndy. Qazirgi tańda atalǵan kemshilikter joıyldy.
Vedomstvo ókilderi sondaı-aq 2025 jyly túsken shaǵymdardyń jartysynan kóbi osy jer qatynastaryna, sonyń ishinde qyzmet kórsetetin adamdardyń áreketine nemese áreketsizdigine qatysty bolǵanyn anyqtady.
Osyǵan deıin Pavlodar oblysynda aýdannyń jer qatynastary bóliminiń basshysy sottalǵany týraly jazdyq.