Qostanaı oblysynda aýa raıyna baılanysty 174 júk kóligi jolda qalyp qoıdy
ASTANA. KAZINFORM — Qarly boran men kóktaıǵaqtyń saldarynan Qostanaı oblysynyń joldarynda aýyr júk jáne qoǵamdyq kólikter úshin qozǵalys shektelgen.
Shekteýler tórt oblystyq jáne eki respýblıkalyq mańyzy bar jolda engizildi.
Qazirgi ýaqytta Oktıabr kenti men Áýlıekól arasyndaǵy avtojolda Aqmola oblysynan kele jatqan fýralar, Kamazdar, Gazelder men avtobýstardy qosa alǵanda 174 aýyr júk kóligi turyp qalǵan.
Máselen, polıtsııa qyzmetkerleri Qyrǵyzstannan Reseıge bara jatqan avtobýsty toqtatty. Salonda 4 bala, 5 áıel jáne 42 er adam boldy.
Aýa raıynyń nasharlaýyna baılanysty kólik qozǵalysy qaýipti bolyp, jolaýshylar jergilikti mekteptiń jylytý pýnktine ornalastyrylyp, olardy sýsynmen, tamaqpen jáne túneıtin orynmen qamtamasyz etti.
Blokposttardaǵy jol qaýipsizdigin patrýldik polıtseıler, TJD, «QazAvtoJol» UK» AQ qyzmetkerleri jáne jergilikti bılik qamtamasyz etýde.