Qostanaı oblysynda altyndy zańsyz óndirgen kompanııaǵa 2,6 mln teńge aıyppul salyndy
QOSTANAI. KAZINFORM - QR AShM JRBK Qostanaı oblysynyń jer resýrstaryn basqarý departamenti Jitiqara aýdanynyń prokýratýrasymen jáne ishki ister organdarymen birlesip jaıylymdyq jer ýchaskesinde zańsyz altyn óndirý faktisiniń jolyn kesti.
QR Aýyl sharýashylyǵy mınıstrliginiń málimetinshe, tekserý barysynda jaýapkershiligi shekteýli seriktestiktiń (JShS) aýyl sharýashylyǵy ónimderin óndirýge arnalǵan jer ýchaskesin ıelengeni anyqtaldy. Alaıda jer ıesi ony maqsaty boıynsha paıdalanýdyń ornyna, topyraqty jýý ádisi arqyly zańsyz baǵaly metaldar óndirýmen aınalysqan.
Aýmaqty tekserý kezinde arnaıy tehnıka, metall izdegishter jáne paıdaly qazbalardy zańsyz óndirýge arnalǵan basqa da quraldar tabyldy.
Sonymen qatar, qunarly topyraq qabatynyń joıylǵany tirkeldi. Osyǵan baılanysty departament tarapynan JShS-ǵa 2,6 mln teńge kóleminde aıyppul salyndy. Sondaı-aq, zańsyz áreketter nátıjesinde buzylǵan qunarly topyraq qabatyn qalpyna keltirý mindetteldi.
Elimizde zańsyz altyn óndirýden qansha shyǵyn kelgenin jazǵan bolatynbyz.