Qostanaı oblysynda alıment boıynsha 72 boryshker qylmystyq jaýapkershilikke tartyldy
QOSTANAI. KAZINFORM — Qostanaı oblysynda prokýrorlardyń úılestirýimen sot oryndaýshylary 963 mln teńge kóleminde alıment boıynsha bereshekti óndirip aldy.
Qaryzdy óndirip alý maqsatynda shekteý sharalarynan basqa (boryshkerlerdiń bank shottary men múlkin tárkileý, olarmen mámileler jasaýǵa jáne elden tys jerlerge shyǵýǵa tyıym salý, t.b.) birlesken reıdtik is-sharalar ótkiziledi, boryshkerlerdiń turǵylyqty jeri, olardyń kólikteri toqtatylyp tekserildi.
Turaqty alıment tólegisi keletin 380-nen astam boryshkerge jumysqa ornalasý kómek kórsetilip, balalardy aı saıynǵy tólemdermen qamtamasyz etýge múmkindik berdi.
Kiristerin jasyryp, ata-analyq mindettemelerin oryndaýdan bas tartqan boryshkerlerge ákimshilik jáne qylmystyq jaýapkershilikke tartyldy.
Bıyl barlyǵy 72 boryshker qylmystyq jaýaptylyqqa tartylsa, 306-sy ákimshilik jaýapkershilikke tartyldy.
Esterińizge sala keteıik, alımentterdi ýaqtyly tóleý – ata-ananyń mindeti jáne balanyń ál-aýqatyn qamtamasyz etý jolyndaǵy mańyzdy qadam.
Aıta ketelik SQO-da qasaqana alıment tólemeýshilerdiń qaryzy 338 mln teńgeden asty.