Qostanaı oblysynda 7 myń lıtrge jýyq janarmaıdy zańsyz áketý áreketiniń joly kesildi

Oblystyq Memlekettik kirister departamentiniń málimetinshe, baqylaý sharalary bastalǵaly beri shekaradan 7 myń lıtrge jýyq janarmaıdy zańsyz alyp ótýge tosqaýyl qoıylǵan.

Onyń ishinde shamamen 4 myń lıtri benzın, al 3 myń lıtrge jýyǵy dızel otyny.

Budan bólek, munaı ónimderine arnalǵan ilespe júkqujattyń (SNT) bolmaýyna baılanysty ákimshilik materıal rásimdeldi. Іs sottyń qaraýyna joldandy.

— Tek sońǵy táýliktiń ózinde janarmaıdy zańsyz áketýdiń taǵy 9 áreketiniń joly kesildi. Kóp jaǵdaıda benzın men dızel kanıstrlerde tasymaldanǵan. Bul – janar-jaǵarmaı materıaldaryn memlekettik shekara arqyly zańsyz ótkizýdiń eń keń taralǵan tásilderiniń biri, – dep habarlady vedomstvo.

Qostanaı oblystyq Memlekettik kirister departamenti janar-jaǵarmaı materıaldarynyń memlekettik shekara arqyly tasymaldanýyn baqylaý turaqty negizde júrgiziletinin eske saldy.

Osyǵan deıin Qazaqstannan janarmaıdy zańsyz shyǵarýdyń 392 deregi anyqtalǵany týraly jazdyq.