Qostanaı oblysynda 45 jastaǵy er adam eki adamdy óltirdi degen kúdikke ilindi
ASTANA.KAZINFORM - Qostanaı oblysynda otbasylyq janjaldan keıin denelerinde zorlyq-zombylyq belgileri bar eki adamnyń máıiti tabylyp, kúdikti ustaldy.
15 shilde kúni Qostanaı oblysyndaǵy Qarabalyq aýylyndaǵy úılerdiń birinde zorlyq-zombylyqpen ólgen eki adamnyń máıiti tabyldy. Bul týraly aqparat buǵan deıin áleýmettik jelilerde taraǵan bolatyn.
Aldyn ala boljam boıynsha, qaıǵyly oqıǵa otbasylyq janjal saldarynan bolǵan. Jedel-izdestirý sharalary barysynda polıtsııa qyzmetkerleri qylmys jasady degen kúdikpen Qarabalyq aýylynyń 45 jastaǵy turǵynyn ustady.
Atalǵan fakti boıynsha qylmystyq is qozǵaldy. Qazirgi ýaqytta barlyq qajetti tergeý áreketteri júrgizilip, saraptama taǵaıyndaldy. Oqıǵanyń sebebi anyqtalyp jatyr.
Osyǵan deıin Jetisý oblysynda kúıeýi áıelin óltirdi degen kúdikke ilingeni týraly jazdyq.