Qostanaı oblysynda 4 mıllıon gektardan astam alqapqa astyq egiledi

ASTANA. KAZINFORM - Qostanaılyqtar aýyl sharýashylyǵy óniminiń jalpy kólemin eki esege arttyrýdy kózdep otyr. Sońǵy 5 jylda byltyrǵy jyldyń ónimine qaramastan bul kórsetkish 1,8 esege ósken. 

2019-2023 jyldar aralyǵynda oblysta aýyl sharýashylyǵy óniminiń jalpy kólemi 667 mlrd teńgeni qurady. Táýekelderdi barynsha azaıtý jáne egistik alqaptarynyń qurylymyn ártaraptandyrý tıimdiligin arttyrý maqsatynda bıylǵy jyly topyraqqa mıneraldy tyńaıtqyshtar engizý, sondaı-aq sýdy únemdeıtin tehnologııalardy qoldaný týraly sheshim qabyldandy.

- 256,6 myń tonna mıneraldy tyńaıtqysh engizý tapsyrmasy oryndaldy. Ótken jyly oblystaǵy aýyl sharýashylyǵy kásiporyndary 53,9 myń tonna ónim satyp alǵan. Sýdy únemdeıtin tehnologııalardy engizýge kelsek, búgingi kúni olar 6,7 myń ga alqapta (jańbyrlatyp sýarý 6,5 myń ga, tamshylatyp sýarý 198 ga) qoldanylyp jatyr. Bıyl sýdy únemdeıtin sýarý tehnologııalaryn engizý alańy 14,1 myń gektardy qurap, 2030 jyly 29,6 myń gektarǵa deıin ulǵaıýy tıis», - dedi oblys ákiminiń orynbasary Arman Ábenov.

Egistikterde aldaǵy maýsymda 5 mıllıon 132,2 myń gektar alqapqa jazdyq daqyldardy egý josparlanǵan. Onyń ishinde dándi jáne burshaq daqyldary – 4,2 mln ga, maıly daqyldar – 746 myń ga jáne mal azyǵy – 527 myń ga (keıinnen egis kólemi ulǵaıǵan).