Qostanaı oblysynda 24 tonna spırtti zańsyz tasymaldaǵan adam ustaldy
QOSTANAI.KAZINFORM - Oblystyq prokýratýranyń úılestirýimen Qarabalyq aýdanyndaǵy «Kaırak» ótkizý pýnktinde oblystyq Ekonomıkalyq tergep-tekserý jáne shekara qyzmeti departamentteri etıl spırtin jalǵan qujattar arqyly elden tys jerlerge zańsyz áketý áreketiniń jolyn kesti.
Jeke tulǵanyń respýblıkanyń ońtústik óńirlerinen aktsızdeletin ónimdi tasymaldaýǵa lıtsenzııasyz jáne kásipkerlik qyzmet sýbektisi retinde tirkeýsiz aıtarlyqtaı mólsherde tasymaldaǵany anyqtaldy. Salyq salý obektisin jasyrý maqsatynda ilespe qujattarda júk «alma sirke sýy» retinde kórsetilgen.
Sotqa deıingi tergep-tekserý barysynda kúdiktiniń áreketteri Qazaqstan Respýblıkasy Qylmystyq kodeksiniń 224-babynyń 1-bóligi boıynsha saralandy. Kásipkerlik qyzmetti tirkeýsiz, sol sııaqty osyndaı qyzmet úshin mindetti lıtsenzııasyz, aktsızdeletin taýarlardy eleýli mólsherde tasymaldaýmen ushtasqan júzege asyrý úshin.
Qarabalyq aýdandyq sotynyń 2026 jylǵy 4 maýsymdaǵy úkimimen sottalýshy kináli dep tanylyp, oǵan 200 aılyq eseptik kórsetkish mólsherinde aıyppul taǵaıyndaldy. Bul memleket paıdasyna 24 tonna etıl spırtin tárkileı otyryp, 786 400 teńge bolady.
Úkim zańdy kúshine endi. Óńirde alkogol óniminiń zańsyz aınalymynyń jolyn kesý jumystary jalǵasyp jatyr.
Aıta keteıik, Óskemende «Gazel» kóliginen bir tonnaǵa jýyq spırt tabyldy.
