Qostanaı oblysynda 230 mln teńgeniń maınıng fermasyn shekaradan ótkizbek bolǵandar ustaldy
QOSTANAI. KAZINFORM - Qostanaı oblysy boıynsha Memlekettik kirister departamentiniń qyzmetkerleri «Qaıraq» ótkizý beketinde quny 230 mln teńgeden asatyn krıptovalıýta óndirýge arnalǵan jabdyqty Reseı Federatsııasyna zańsyz áketý áreketiniń jolyn kesti.
Departamenttiń málemetinshe 2023 jyldyń qarasha aıynda Qazaqstanda tirkelgen «A» JShS 640 serverdi shetelge shyǵarýǵa tyrysty. Osy oqıǵa boıynsha QR ÁQBtK-niń 463-babymen ákimshilik is qozǵalyp, qazirgi ýaqytta aıaqtaldy. Sot sheshimimen barlyq júk memleket kirisine tárkilenip, 25 AEK mólsherinde ákimshilik aıyppul salyndy.
«Memlekettik kirister departamenti «Erekshe taýarlardy baqylaý týraly» QR Zańynyń normalaryna sáıkes tıisti ruqsat qujattarynsyz naqty taýarlardy tasymaldaýǵa tyıym salynǵanyn eske salady», - delingen Qostanaı oblysy boıynsha Memlekettik kirister departamentiniń baspasóz qyzmeti taratqan aqparatta.
