Qostanaı oblysynda 2 mlrd teńgeni jymqyrǵan eks-basshy men orynbasary ustaldy

QOSTANAI. KAZINFORM — Qostanaı oblysynyń prokýratýrasymen oblystyń ózge quqyq qorǵaý jáne ýákiletti organdarymen birlesip medıtsınalyq qurylǵylardy satyp alý salasyndaǵy sybaılas-jemqorlyq shemasy anyqtaldy. 

Medıtsınalyq uıymdarmen qajettiligi tómen qurylǵylardy qymbatyraq baǵaǵa satyp alý faktileri áshkerelendi.

— Keltirilgen shyǵynnyń somasy 2 mlrd teńgeden asty, — delingen habarlamada.

Atalǵan faktiler boıynsha Qostanaı oblysy prokýratýra organdarymen qylmystyq ister tirkeldi.

— Tergeý sheńberinde Qostanaı oblysy ákimdiginiń densaýlyq saqtaý basqarmasynyń buryńǵy basshysy men qyzmet atqaryp jatqan orynbasary, aýdan aýrýhanasynyń bas dárigeri jáne qurylǵylardy usynǵan ónim berýshi ustaldy, — delingen habarlamada.

Tergeý jalǵasyp jatyr. Ózge málemetter Qylmystyq-protsesstik kodeksiniń 201 babyna sáıkes jarııalaýǵa jatpaıdy.