Qostanaı oblysynda 19 gıdrotehnıkalyq qurylys jóndeýdi qajet etedi
ASTANA. KAZINFORM — Óńirde barlyǵy 98 gıdrotehnıkalyq qurylys tirkelgen, olardyń 18-inde jóndeý jumystary júrgizilgen, al 19-y qanaǵattanarlyqsyz jaǵdaıda tur.
Sý resýrstary bóliminiń basshysy Abaı Bekentaev aıtqandaı, júzge jýyq nysannyń jeteýi respýblıkalyq menshikte, onyń úsheýi qanaǵattanarlyqsyz dep tanylǵan. 80-i kommýnaldyq menshikke jatady (onyń 16-sy da jóndeýdi qajet etedi), al 11 nysan jeke menshikte. 18 nysan boıynsha jóndeý jumystary júrgizildi.
— Oblystyq bıýdjet esebinen toǵyz gıdrotehnıkalyq nysan jóndeldi — buǵan 467,7 mln teńge bólindi. Taǵy úsh nysan «Demeý Qazaqstan» qory qorynyń qoldaýymen qalpyna keltirildi — 788,6 mln teńge kóleminde. Sonymen qatar, 6 gıdrotehnıkalyq nysan óz kúshimizben retke keltirildi. Barlyq jumystar tolyq aıaqtaldy, — dedi ol brıfıngte.
Bıylǵy Áýlıekól aýdanyndaǵy Terekti ózenindegi bógetti jóndeý josparlanǵan — bıýdjet 133,6 mln teńge. Jumys jazda júrgiziledi. Qalǵan gıdrotehnıkalyq nysandar sý tasqynynan keıin retke keltiriledi.
Buǵan deıin Soltústik Qazaqstan oblysynda eki gıdrotehnıkalyq qurylys apatty jaǵdaıda turǵany týraly jazdyq.
Sondaı-aq Sý resýrstary jáne ırrıgatsııa mınıstrligi qurylysy aıaqtalmaǵan 10 jobany qaıta qolǵa alyp, qoldanysqa berýdi josparlap otyr.
