Qostanaı oblysynda 10 jastaǵy bala sýǵa batyp ketti

ASTANA. KAZINFORM — Arqalyq qalasynan 6 shaqyrym jerde, Rodına aýyly mańynda sýǵa shomylýǵa arnalmaǵan shuńqyrda qaıǵyly jaǵdaı boldy — 10 jastaǵy bala sýǵa batyp ketti, dep habarlaıdy Kazinform tilshisi.

2015 jyly týǵan balanyń máıiti sý tolǵan shuńqyrdan óli kúıinde tabylǵan.

Qostanaı oblystyq Tótenshe jaǵdaılar departamentiniń aldyn ala málimeti boıynsha, bala sýǵa ruqsat etilmegen jerde óz betimen shomylyp júrgende batyp ketken. Oqıǵa bolǵan aýmaqta shomylýǵa arnalǵan qaýipsizdik quraldary bolmaǵan.

Qostanaı oblysynyń TJD sýdaǵy qaýipsizdik erejelerin qatań saqtaýǵa shaqyrady:

• Tek ruqsat etilgen jáne arnaıy jabdyqtalǵan oryndarda ǵana shomylyńyz;

• Balalardy sý jaǵasynda eshqashan qaraýsyz qaldyrmańyz;

• Kámeletke tolmaǵandarǵa eresekterdiń qaraýynsyz sýǵa barýǵa ruqsat bermeńiz;

• Beıtanys sý aıdyndaryna shomylmańyz;

• Tehnıkalyq sý qoımalarynda, karerlerde, shuńqyrlarda jáne kanaldarda shomylýdan aýlaq bolyńyz;

• «Shomylýǵa tyıym salynǵan» belgilerge nazar aýdaryńyz;

• Tótenshe jaǵdaı týyndasa, birden 112 nómirine habarlasyńyz.

Buǵan deıin Atyraý oblysynda bir aýyldyń 2 jasóspirimi Jaıyqqa batyp ketkenin jazdyq.