Qostanaı oblysyna qar tústi
QOSTANAI. KAZINFORM — Oblys turǵyndary áleýmettik jelilerde alǵashqy qardyń kadrlaryn jarııalady.
Qostanaı men Rýdnyı qalalarynda qar jaýdy. Buǵan deıin oblysta túnde aýa temperatýrasy -1...-6 gradýsqa deıin tómendep, kúndiz +3...+8 gradýs jyly bolatyny, jaýyn-shashyn (jańbyrdyń qarǵa aınalýy) kútiletini boljanǵan edi.
Buǵan deıin sınoptıkter el aýmaǵynyń basym bóligi soltústik tsıklonnyń yqpalynda bolatynyn eskertken. Jańbyr jaýady, elimizdiń ońtústik-shyǵysynda naızaǵaı kútiledi, soltústikte qatty jańbyr jaýyp, aýa temperatýrasy tómendeıdi. Tek elimizdiń ońtústigi men shyǵysynda jaýyn-shashynsyz aýa raıy kútiledi. Respýblıka boıynsha jeldiń kúsheıýi, túnde jáne tańerteń tuman bolýy múmkin.
Al búgin Qazaqstannyń birqatar óńirinde qatty jańbyr, qar, burshaq jaýady.