Qostanaı oblysyna qandaı azyq-túlik syrttan ákelinedi
ASTANA. KAZINFORM — Qostanaı oblysy áleýmettik mańyzy bar azyq-túliktiń 12 túri boıynsha halyqtyń qajettiligin tolyqtaı óz óndirisi esebinen qamtamasyz etedi. Taǵy 14 túrli ónimge degen qajettilikti Qostanaı oblysy basqa óńirlerden jetkiziletin taýarlar esebinen óteıdi, dep habarlaıdy Kazinform tilshisi.
2026 jyldyń basynan bastap Qazaqstandaǵy áleýmettik mańyzy bar azyq-túlik taýarlarynyń tizimi 19-dan 31 pozıtsııaǵa deıin keńeıtildi.
Qostanaı oblysy ákimdiginiń aýyl sharýashylyǵy jáne jer qatynastary basqarmasynyń málimetinshe, olardyń 12 túri boıynsha óńir halyqtyń suranysyn jergilikti óndiris esebinen tolyq qamtamasyz etedi.
Al azyq-túliktiń taǵy 14 túrine degen qajettilik jergilikti óndiris pen Qazaqstannyń basqa óńirlerinen jetkiziletin ónimder esebinen óteledi.
Qalǵan ónimder syrttan ákelinedi. Qostanaı qalasynyń kásipkerlik jáne aýyl sharýashylyǵy bóliminiń málimetinshe, oblysta dástúrli túrde óndirilmeıtin taýarlar turaqty túrde jetkizilip otyr.
Qazirgi ýaqytta turaqtandyrý qorynda 11,7 myń tonna ónim jáne 19,6 mıllıon dana jumyrtqa bar.
Sonymen qatar qys-kóktem kezeńine daıyndyq júrip jatyr. Qazirdiń ózinde 2,1 myń tonna kartop, 550 tonna sábiz, 650 tonna qyryqqabat jáne 300 tonna pııaz jetkizýge kelisimshart jasalǵan. Budan bólek, kókónisterdiń dál osyndaı kólemin taǵy satyp alý josparlanyp otyr.
Buǵan deıin Qostanaı oblysynyń Fedorov aýdanyndaǵy Keńaral mektebiniń 110 oqýshysy jańa oqý jylyn óz mektebiniń ǵımaratynda emes, basqa jerde bastaıtynyn jazǵanbyz.
