Qostanaı oblysy ctatıstıka departamentiniń basshysy aýysty
ASTANA. KAZINFORM — QR SJRA Ulttyq statıstıka bıýrosynyń Qostanaı oblysy boıynsha departamentiniń basshysy bolyp Olga Shahmatova taǵaıyndaldy. Bul týraly vedomstvonyń baspasóz qyzmeti habarlady.
Buǵan deıin ol Qostanaı oblysy Statıstıka departamentiniń Aýyl sharýashylyǵy statıstıkasy basqarmasynyń basshysy qyzmetin atqarǵan. Jańa basshyny ujymǵa Ulttyq statıstıka bıýrosy basshysynyń orynbasary Ásel Sháýenova tanystyrdy.
Olga Nıkolaevna Qostanaı aýyl sharýashylyǵy ınstıtýtyn «Ekonomıka jáne menedjment» mamandyǵy boıynsha támamdaǵan.
Eńbek jolyn 1997 jyly Qostanaı oblystyq statıstıka basqarmasynyń ekonomısi qyzmetinen bastaǵan.
1999-2004 jj. Qostanaı oblysynyń Aqparattyq statıstıka ortalyǵynda maman, jetekshi maman, ónerkásip óndirisi statıstıkasyn aqparattyq qamtamasyz etý bóliminiń bastyǵy bolyp jumys istedi.
2005-2008 jj. Qostanaı oblysy boıynsha statıstıka departamentiniń ekonomıkanyń ındýstrııa sektory statıstıkasy, óndiris statıstıkasy, sondaı-aq kásiporyndardyń qarjysy, qurylys jáne ınvestıtsııalar bóliminiń bastyǵy qyzmetin atqarǵan.
2008-2025 jyldar aralyǵynda Qostanaı oblysy Statıstıka departamenti basshysynyń orynbasary laýazymynda boldy.
2025 jyldan bastap qazirgi ýaqytqa deıin Qostanaı oblysy boıynsha Departamenttiń Aýyl sharýashylyǵy statıstıkasy basqarmasynyń basshysy qyzmetin atqardy.
2017-2024 jyldary Ádep jónindegi ýákil qyzmetin atqardy.
Qazaqstan Respýblıkasynyń Ulttyq halyq sanaǵyn, sondaı-aq aýyl sharýashylyǵy sanaǵyn júrgizýge belsendi qatysty.
«Statıstıka úzdigi» jáne «Birinshi ulttyq aýyl sharýashylyǵy sanaǵy» tósbelgilerimen marapattalǵan.
Budan buryn Kazinform tilshisi elimizde jáne halyqaralyq deńgeıde ótken apta ishinde qandaı kadrlyq taǵaıyndaýlar men qyzmettik ózgerister bolǵanyn zerdelep kórdi.