Qostanaı oblysy aýmaǵynda áli 7 úı men 17 aýla sý astynda qalyp otyr

ASTANA. KAZINFORM - Qazirgi tańda oblys aýmaǵynda 7 úı men 17 aýla aýmaǵy sý astynda qalyp otyr. Sý tasqyny kezinde 9232 adam, onyń ishinde 1810 bala qutqaryldy jáne evakýatsııalandy.

Ýaqytsha ornalastyrý pýnktterinde 174 adam, onyń ishinde 34 bala bar. OKQ alańynda ótken brıfıngte Qostanaı oblysynyń TJD resmı ókili Aıazbek Iskakov osyndaı málimetterdi jarııa etti.

«Avarııalyq-qutqarý jumystaryna 225 adam jáne 37 birlik tehnıka jumyldyryldy. Sý tasqyny bastalǵanan beri TJD jáne jergilikti atqarýshy organdardyń kúshterimen 916 myńǵa jýyq tekshe metr erigen qar sýy soryldy, 212 740 qapshyq jáne 76 500 tonna ınertti materıal tóseldi», - dedi spıker.

Budan bólek, Soltústik Qazaqstan jáne Batys Qazaqstan oblystaryndaǵy sý tasqynynyń zardaptaryn joıýǵa kómektesý úshin Qostanaı oblysy TJD qutqarýshylar toptary jiberildi.