Qostanaı oblysy ákimdiginiń qyzmetkerleri bıýdjetten 13 mln teńge urlaǵan

QOSTANAI. KAZINFORM - Qarabalyq aýdanynyń prokýratýrasy ákimdik qyzmetkerleriniń bıýdjet qarajatyn urlaý faktisin anyqtady.

Qostanaı oblysy prokýratýrasynyń málimetinshe, kásipkerlik bóliminiń býhgalteri ózine jáne bólimniń burynǵy basshysyna zańsyz joǵary jalaqy tóleý arqyly 13 mln bıýdjet qarajatyn urlady dep kúdikke ilindi.

Osy fakti boıynsha aýdan prokýratýrasy Qazaqstan Respýblıkasy Qylmystyq kodeksiniń 189-babynyń 3-bóligi, atap aıtqanda iri mólsherde jymqyrý boıynsha sotqa deıingi tergep-tekserýdi bastady.

Baptyń sanktsııasy múlki tárkilenip, 7 jylǵa deıin bas bostandyǵynan aıyrýdy kózdeıdi.