Kostanay Music Fest: órt kezindegi kontsertten jınalǵan 50 mln teńge zardap shekkenderge aýdarylady
Áleýmettik jeli qoldanýshylary keshe Qostanaı qalasynda ótken Kostanay Music Fest mýzykalyq festıvaline qatysty narazalyq bildirdi. Kóbi orman órti órshigen qıyn ýaqytta mundaı shara ótkizý orynsyz ekenin jazdy. Jaǵdaıǵa balanysty festıval uıymdasytrýshysy Almas Jálı túsinikteme berip, kontsertten túsken barlyq aqshany órtten zardap shekken Áýlıekól turǵyndaryna aýdaratynyn málim etti.
«Onǵa jýyq eń tanymal shyǵarmashylyq ujymdar men oryndaýshylardy ákelgen kontsert 100 paıyz jeke qarajat esebinen uıymdastyryldy. Ártisterdiń ónerin tamashalaýǵa Qazaqstannyń birneshe qalalasynan myńdaǵan jastar keldi. Bir aıda 16 myń bılet satyldy. Biz tek shara bastalar kezde ǵana órttiń órshigenin jáne bir adamnyń qaıtys bolǵanyn bildik. Al bul ýaqytta kórermenderdiń barlyǵy stadıon aldynda turdy. Munymen qosa, bıletter tolyq satylǵan bolatyn. Biz bul kontsertke 3 aı boıy daıyndaldyq jáne áýel basta odan túsken aqshany tolyǵymen qaıyrymdylyqqa baǵyttaımyz dep josparlaǵanbyz. Sondyqtan, órtten zardap shekkenderge festıvalden túsken barlyq qarajatty aýdaramyz, ıaǵnı 50 mıllıon teńge osy tabıǵı apattan qıyn jaǵdaıǵa tap bolǵan adamdarǵa kómek retinde beriledi», - dep jazdy Almas Jálı óziniń Instagram paraqshasynda.
Buryn habarlaǵanymyzdaı, «Qazaqstan halqyna» qoǵamdyq qory órtten zardap shekkkenderge kómek kórsetedi. Al, órtten úıleri janyp ketken otbasylarǵa ekinshi deńgeıli banktiń biri 1 mln teńgeden beredi jáne nesıelerin jabady.
