Qostanaı men Tashkent arasynda tikeleı áýe reısi ashylady

TAShKENT. KAZINFORM – Centrum Air áýe kompanııasynyń ushaqtary 13 maýsymnan «Tashkent - Qostanaı - Tashkent» baǵyty boıynsha reıs oryndaı bastaıdy, dep habarlaıdy Kazinform agenttiginiń Tashkenttegi menshikti tilshisi.

Kompanııadan málim etkendeı, reıs aptasyna bir ret, ıaǵnı senbi kúnderi oryndalady. Jol uzaqtyǵy - 2 saǵat 20 mınýt. Bılet quny 38 myń teńgeden bastalady.

Eske salaıyq, 29 naýryzdan bastap Astana men Tashkent arasynda taǵy bir tikeleı áýe reısi ashyldy.

Al 30 naýryzda «Tashkent - Atyraý - Tashkent» baǵyty boıynsha jańa áýe reısi iske qosyldy.

Buǵan deıin habarlaǵanymyzdaı, bıyl úsh aıda 680 myńnan astam qazaqstandyq Ózbekstanǵa saıahattap barǵan.