Qostanaı mektepterinde boranǵa baılanysty ekinshi aýysymdaǵy sabaqtar toqtatyldy
QOSTANAI. KAZINFORM — Oblys ortalyǵy men aýdandarda ekinshi aýysymdaǵy sabaqtar onlaın formatqa aýystyryldy, dep habarlaıdy Kazinform agenttiginiń menshikti tilshisi.
Boranǵa baılanysty 2025 jylǵy 21 qańtarda Qostanaı mektepterinde ekinshi aýysymdaǵy sabaqtar qashyqtan oqytý formatyna aýystyryldy.
Sonymen qatar, oblystyq bilim basqarmasy Sosnovskaıa orta mektebiniń (Meńdiqara aýdany) barlyq synyptary men Rýdnyı jáne Lısakov qalalaryndaǵy barlyq synyptar onlaın oqıtynyn habarlady.
— Jitiqara jáne Qarasý aýdandaryndaǵy mektepterdiń 0-11 synyptarynyń ekinshi aýysym oqýshylary. Sondaı-aq, Amangeldi jáne Jankeldi aýdandarynda bastaýysh synyptar, — dep habarlady vedomstvodan.
Qazgıdromettiń eskertýinshe, búgin Qazaqstannyń barlyq aımaǵynda jel kúsheıip, tuman túsedi, kóktaıǵaq bolady.
Eske sala ketsek, elordada kún raıynyń qolaısyzdyǵynan ushaqtar keshigip jatyr.