Qostanaı mektepterine ekinshi aýysym sabaqtaryn qysqartý usynyldy

QOSTANAI. QazAqparat - Qostanaıdyń bilim bólimi aýa raıynyń qolaısyzdyǵyna baılanysty mektepterde sabaqtardy qysqartýǵa keńes berdi, dep habarlaıdy QazAqparat tilshisi.

«Qostanaı oblysynda aýa raıy kúrt nasharlady. Jel kúsheıip, boran soǵýyna jáne joldyń kórinbeýine baılanysty Qostanaı qalalyq bilim bólimi ekinshi aýysymdaǵy sabaqtarly qysqartýǵa keńes beredi», - delingen bilim bóliminiń habarlamasynda.

Buǵan deıin habarlanǵandaı, 13:00-den bastap Aqtóbe oblysynda respýblıkalyq mańyzy bar avtomobıl jolynyń jabylýyna baılanysty A-22 «Qarabutaq-Komsomolskoe-Denısovka-Rýdnyı- Qostanaı» tasjolynyń 262-232 shaqyrym aralyǵyndaǵy ýchaskesinde barlyq avtokólik túrlerine qozǵalys jabyldy.