Qostanaı mektepterinde sabaqtar 30 mınýtqa deıin qysqarady
ASTANA. QazAqparat - Qostanaı qalasynda orta bilim berý mektepterinde sabaqtar 30 mınýtqa qysqartylady, dep habarlaıdy QazAqparat Alaý-TV saıtyna silteme jasap.
Atap ótilgendeı, mundaı sheshim 25 qyrkúıek kúni Qostanaı qalasynda aýyzsýdyń berilýiniń toqtatylýyna baılanysty qabyldanyp otyr.
«Qostanaı Sý» kompanııasy bul kúni mektep oqýshylaryn sabaqtan bosatýdy usynǵan. Alaıda, ákimdiktiń bilim bóliminiń bólim basshysy Evgenıı Terentev bul usynysty qoldamaıtyndaryn atap ótti.
«Bizde oqý protsesi bar jáne zań boıynsha sabaqtardy osy úshin toqtata almaımyz. Biz shara qoldanamyz, biraq mundaı emes. Mektepterdegi sabaqtardy 30 mınýtqa deıin qysqartamyz. Ata-analar balalardyń tamaqtanýy jaǵyn oılastyrýy tıis. Sebebi mundaı jaǵdaıda ashanalar istemeıdi. Balabaqshalar jumys istemeıdi. Oqý oryndaryn sýmen jetkilikti deńgeıde qamtý úshin usynystar beremiz», - dedi Evgenıı Terentev.
