Qostanaı kolonııasynyń qyzmetkeri esirtki satqany úshin sottaldy
QOSTANAI. 27 maýsym. QazAqparat - Búgin Qostanaı oblystyq qylmystyq ister boıynsha mamandandyrylǵan aýdanaralyq sotynda qatań rejımdegi kolonııanyń burynǵy qyzmetkerine úkim shyǵaryldy.
Buryn Qostanaı oblysy boıynsha sottalǵandardyń eńbegin uıymdastyrý bóliminiń ınspektory bolǵan leıtenant Rýslan Ochaev qyzmet babyn paıdalanyp, qyzmet múddesine kórineý nuqsan keltirgeni jáne iri kólemdegi zańsyz esirtki tasymaldaǵany úshin aıypty dep tanyldy.
Sot Ochaevtyń sottalýshyǵa «Nokia-1209» markaly uıaly telefondy zańsyz berip, sondaı-aq «geroın» esirtikilik zatyn asa iri kólemde satyp alǵanyn, keıinnen ony zańsyz tasymaldap, ózimen birge satý úshin ustaǵanyn anyqtady. Esirtkini túrmege kompıýterdiń symsyz timtýirine jasyryp ótkizbekshi boldy. Ol túrmege kirý kezinde leıtenanttyń kıimderin teksergende anyqtaldy.
Sýdıa Aıjan Qulbaeva sottalýshy Ochaevty qatań rejımdegi kolonııada 10 jylǵa bas bostandyǵynan aıyrý jazasyna kesti.
