Qostanaı kolledjiniń jataqhanasynda bógde adamdar turyp kelgen
QOSTANAI. QazAqparat - Qostanaıda ókiletti organdar oqý oryndaryndaǵy jataqhanalardy tekserdi, dep habarlaıdy QazAqparat QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qostanaı oblysy boıynsha departamentine silteme jasap.
Departamenttiń baspasóz qyzmetinen málim etilgendeı, «Taza sessııa» reıdi kezinde Qostanaı qalasynyń joǵarǵy oqý oryndaryna tıesili nysandar tekserildi.
«Agenttik mamandary arnaıy monıtorıngtik toptarmen birigip, Qostanaı ındýstrıaldy-pedagogıkalyq kolledjiniń jataqhanasyn tekserý kezinde zańsyz faktilerdi tirkedi. Onda stýdentterdiń ornyna bógde adamdarǵa bólmeler usynǵan», - dedi vedomstvonyń baspasóz hatshysy Aıda Bajırova.
Jalpy, Qostanaı ındýstrıaldy-pedagogıkalyq kolledjiniń jataqhanasy 300 stýdentke shaqtalǵan. Alaıda, búginde munda stýdentterden bólek, ózge otbasyly adamdardyń turyp jatqany anyqtaldy. Sondaı-aq, jataqhananyń bir bólmesin Qostanaıdaǵy balalar men jasóspirimderge arnalǵan sport mektebiniń jattyqtyrýshysy jalǵa alǵan. Ol aı saıyn 19 myń teńge tólep kelgen.
Atalǵan zańbuzýshylyqqa qatysty tekserý jumystary júrgizilip jatyr.
