Qostanaı kolledji 15 noýtbýk úshin 14,5 mln teńge artyǵymen tólemek bolǵan

QOSTANAI. QazAqparat – Byltyr QR Sybaılas jemqorlyqqa qarsy is-qımyl agenttiginiń Qostanaı oblystyq departamenti memlekettik satyp alýlar kezinde taýar qunyn naryqtaǵy baǵadan qymbat etip kórsetken uıymdardy anyqtady. Nátıjesinde 220 mln teńgeden astam qarajat únemdelgen. Bul týraly jergilikti quzyrly organnyń baspasóz qyzmetinen málim etti, dep habarlaıdy QazAqparat tilshisi.

«2022 jyldyń kúzinde densaýlyq saqtaý salasy uıymdarynyń biri 10 mln teńgeden astam somaǵa kerýetter satyp alǵysy kelgen. Ashyq saýda alańdaryndaǵy baǵalar monıtorıngi tehnıkalyq erekshelikte kórsetilgenge uqsas sıpattamalary bar kerýetti shamamen 40% arzan baǵaǵa satyp alýǵa bolatynyn kórsetti. Nátıjesinde bıýdjet qarajatyn 3,5 mln teńgege únemdeýge múmkin boldy.

Basqa jaǵdaıda Qostanaı kolledji jalpy quny 21 mln tenge bolatyn 15 noýtbýk satyp alýdy josparlaǵan. Sybaılas jemqorlyqqa qarsy is-qımyl qyzmetiniń usynysynan keıin satyp alý jospary jalpy quny 6,5 mln tenge bolatyn 10 noýtbýkke deıin túsirildi. Barlyǵy ótken jyly departamenttiń usynystary boıynsha josparlanǵan baǵasy joǵary memlekettik satyp alýlardyń qunyn túsirý jáne jasalynǵan sharttar boıynsha profılaktıka tásilimen 220 mln teńgeden astam únemdeýge qol jetkizildi», - dep málim etti jergilikti quzyrly organnyń baspasóz qyzmetinen.