«Qostanaı-Qarabutaq» trassasynda 3 jasóspirim bala qaza tapty

QOSTANAI. QazAqparat – Qostanaı oblysynda jol-kólik apaty saldarynan kámelet jasqa tolmaǵan úsh bala qaza tapty, dep habarlaıdy QazAqparat Qostanaı oblystyq Polıtsııa departamentiniń baspasóz qyzmetine silteme jasap.

«26 maýsym kúni «Qostanaı-Qarabutaq» kúre jolynda Renault Sandero kóligin júrgizip kele jatqan 36 jastaǵy áıel júk kóligin basyp ozý kezinde joldyń qarsy betinde kele jatqan Lexus kóligimen soqtyǵysty. Jol-kólik oqıǵasy saldarynan Renault Sandero-da otyrǵan 14 jastaǵy eki bala men 17 jastaǵy jasóspirim qaza tapty», - dep habarlady polıtsııadan.

Atalǵan kóliktiń júrgzýshisi men 40 jastaǵy jolaýshy dene jaraqattaryn alǵan.

QR Qylmystyq kodeksiniń 345-baby boıynsha sotqa deıingi tergep-tekserý amaldary bastaldy.