Qostanaı qalasynyń ortalyǵynda sıyr birneshe adamdy jaraqattady

QOSTANAI. QazAqparat – Qostanaı qalasynyń ár jerinde adamdardy qýalap júrgen sıyrdyń vıdeosy áleýmettik jelilerge tarady, dep habarlaıdy QazAqparat.

Sıyr Qostanaı kóshelerin aralap, birneshe adamdy súzip qulatqan. Úı janýaryn eshkim ustaı almaǵan, oǵan tipti polıtsııa qyzmetkerleriniń de shamasy jetpedi. Sıyr bolsa birneshe adamda jaraqattap úlgergen.

Oblystyq Densaýlyq saqtaý basqarmasynyń baspasóz hatshysy Ksenııa Jylqybaeva sıyrdan zardap shekken úsh adamnyń kómek surap telefon shalǵanyn aıtady.

«Úsh adam zardap shekken. Ekeýiniń dene múshesi synyp, bireýi aýyrtyp alǵan»,-dep habarlady baspasóz hatshysy.

Polıtsııa ázirge bul oqıǵa týraly eshqandaı málimet bermedi.

Foto: kstnews.kz