Qostanaı qalasynyń mektepterinde ekinshi aýysym sabaqtary qysqarady
QOSTANAI. QazAqparat - Aýa raıyna baılanysty Qostanaıdaǵy mektepterde ekinshi aýysym sabaqtary qysqartylady, dep habarlaıdy QazAqparat tilshisi.
Qostanaı qalasy bilim bóliminiń qyzmetkeri Maral Isahanovanyń aıtýynsha, sabaqtar ýaqyty 30 mınýtqa deıin qysqartylmaq.
«Qostanaılyq aýa raıyn boljaýshylar bergen málimetke sáıkes, temperatýra -25 gradýsqa deıin túsedi. Sol sebepti, barlyq mektepterdiń dırektorlaryna sabaqtardyń ýaqytyn qysqartý týraly usynymhat jiberildi», - dedi Isahanova.
Aıta keteıik, búgin túnde Qostanaı oblysynda aýa temperatýrasy -35 gradýsqa deıin sýytady dep kútilýde.
