Qostanaı qalasynyń irgesinen 11 kópqabatty úı salynady
QOSTANAI. QazAqparat - Sońǵy eki jylda Qostanaı aýdanynda 9 turǵyn úı paıdalanýǵa berildi. Bul týraly aýdan ákimi Qaırat Ahmetov esep berý jıynynda málim etti, dep habarlaıdy QazAqparat.
Qostanaı aýdanynda «Nurly jol» memlekettik baǵdarlamasy aıasynda jyl sońyna deıin 11 kópqabatty turǵyn úıdiń qurylysy aıaqtalmaq. Atalǵan úıler Qostanaı qalasynyń irgesinde ornalasatyn bolady.
«Sońǵy eki jylda 9 kópqabatty úı turǵyzyldy. Bul qurylystarǵa 1 mıllıard 304 mıllıon teńge jumsaldy. Endi Zarechnyı eldi mekenindegi «Severnyı» shaǵynaýdanynda 339 páterli 11 úı salynady. Buǵan 2 mıllıard teńge qarastyrylǵan», - dedi Ahmetov óz baıandamasynda.
Aıta keteıik, qazir atalǵan úılerdiń aýlalaryn abattandyrýǵa 41 mıllıon teńge bólingen. Sondaı-aq, shaǵynaýdandaǵy úılerdiń podezderin júrgizýge 140 mıllıon teńge ketedi. Ahmetovtiń sózinshe, qarjy josparly túrde ıgeriledi.
Eske salsaq, Qostanaı aýdanynyń «Kóktem», «Tobyl-1», «Tobyl-2» shaǵynaýdandaryndaǵy turǵyn úı qurylystary aıaqtalǵan soń, aýdan qala mártebesine usynylýy múmkin. Atalǵan móltekaýdandar ınjenerlik-kommýnıkatsııalyq jeliler tartylǵannan keıin turǵyndar ıgiligine beriledi.
