Qostanaı qalasynyń ákimi koronavırýsqa shaldyqty
QOSTANAI. QazAqparat – Qostanaı qalasynyń basshysy Qaırat Ahmetov koronavırýsqa shaldyqty. Bul týraly ákim áleýmettik jelidegi paraqshasynda jazdy, dep habarlaıdy QazAqparat.
«Qurmetti qostanaılyqtar! Barlyq saqtyq sharalaryn qatań saqtaýyma qaramastan, ókinishke oraı, Covid-19-ǵa tapsyrǵan testim oń nátıje kórsetti. Osy sebeppen óz-ózimdi oqshaýlaýǵa kóshemin jáne jumysymdy qashyqtan jalǵastyramyn. Osyǵan oraı, qala turǵyndaryn belgilengen barlyq talaptar men qajetti qaýipsizdik sharalaryn qatań saqtaýǵa shaqyramyn. Bizdiń mindetimiz – shydamdylyq tanytyp, tazalyqqa úlken mán berý, óz otbasymyzdy qaýip-qaterden qorǵaý»,- dedi Qaırat Ahmetov.
Shahar basshysy mundaı qıyn jaǵdaıda densaýlyqty qorǵaýǵa sanaly túrde qaraý kerektigin atap ótti. Ol turǵyndardy saqtyq sharalaryna barynsha uqypty qaraýǵa shaqyrdy.
