Qostanaı qalasyndaǵy dámhanada jasyryn kazıno anyqtaldy

QOSTANAI. QazAqparat – Qostanaı qalasyndaǵy dámhanada jasyryn kazıno anyqtaldy, dep habarlaıdy QazAqparat Qarjylyq monıtorıng agenttigine silteme jasap.

Agenttikke qarasty Qostanaı oblysy boıynsha Ekonomıkalyq tergep-tekserý departamenti Qostanaı qalasynda zańsyz oıyn bıznesimen aınalysqan uıymdasqan qylmystyq top qyzmetiniń jolyn kesti.

«Astyrtyn kazıno qaladaǵy jertóleniń birinde jumys istegeni anyqtaldy. Tergeý múddesine sáıkes basqa aqparat jarııalanbaıdy», delingen habarlamada.

Vedomstva azamattar arasynda qumar oıynǵa táýeldiliktiń paıda bolý sebepterimen kúresý úshin oıyn bıznesiniń zańsyz túrlerin anyqtaýdy turaqty negizde júrgize bermek.