Qostanaı qalasynda jańa aýrýhana salynyp jatyr
QOSTANAI. QazAqparat - Qostanaıda kóp beıindi aýrýhana salynyp jatyr. Bul týraly Qostanaı oblysynyń ákimi Arhımed Muhambetov áleýmettik jelide jazdy, dep habarlaıdy QazAqparat.
«Qostanaı qalasyn aralaý barysynda qýaty 200 tósektik kóp beıindi ınfektsııalyq aýrýhana qurylysynyń barysyn tekserdim.
Atalǵan aýrýhananyń aýmaǵy 6,76 myń sharshy metrdi quraıdy.
Qazirgi ýaqytta qazanshuńqyr ázirlendi, qaıta kómý, qıyrshyq tas daıyndaý, irgetas ornatý jáne bloktardy montajdaý júrgizilýde.
Búgingi tańda qurylys alańynda 200-den astam adam jumys isteıdi», - dep habarlady aımaq ákimi áleýmettik jelidegi paraqshasynda .
Aýrýhana qurylysyn osy jyldyń qazan aıynda aıaqtaý josparlanýda.
Sapar barysynda Arhımed Muhambetov «Aeroport» shaǵyn aýdanyndaǵy úılerdiń qurylys barysyn qarap shyqty.
Búginde atalǵan úılerde syrtqy ınjenerlik kommýnıkatsııalar tolyq kólemde júrgizilgen. Jumys 2 aýysymda ótedi.
«Úılerdi aǵymdaǵy jyldyń sońyna deıin paıdalanýǵa berý josparlanýda.
Sapar qorytyndysy boıynsha josparlanǵan jobalardy iske asyrýdy sapaly jáne belgilengen merzimde aıaqtaýdy tapsyrdym», - deıdi A.Muhambetov.
