Qostanaı qalasynda 200-ge jýyq dáriger jetispeıdi
QOSTANAI. QazAqparat – Qostanaı qalasynda dárigerler tapshy. Bul týraly qala ákimi Qaırat Ahmetov turǵyndarǵa esep berý kezdesýinde aıtty, dep habarlaıdy QazAqparat.
«Byltyr Qostanaı qalasyna oblystyń basqa óńirlerinen 106 dáriger keldi. Olarǵa tıisti jaǵdaılar jasalyp, kótermeaqy tólendi. Biraq soǵan qaramastan, qalada dáriger tapshylyǵy baıqalady. Qazirgi ýaqytta qala emhanalaryna 187 dáriger jetispeıdi», - dedi qala ákimi.
Kezdesýde aıtylǵandaı, bıyl qalada jol jóndeý jumystaryna aıryqsha mán berilip, birqatar áleýmettik nysandar jańartylady. Qaırat Ahmetovke turǵyndar tarapynan kóbine aýyzsý, qoǵamdyq kólikterge qatysty saýaldar qoıyldy.
