Qostanaı qalasy 138-shi týǵan kúnin toılap jatyr
ASTANA. QazAqparat - Búgin Qostanaı qalasy óziniń týǵan kúnin atap ótýde, dep habarlaıdy QazAqparat kostanaytany.kz saıtyna silteme jasap.
Bıyl oblys ortalyǵyna 138 jyl tolyp otyr. Merekelik is-sharalardyń legi keshe bastalǵan. Toı-dýmannyń kórki búgin qyza tústi. Ortalyq alańǵa jıylǵan qostanaılyqtardy shahar basshysy Bazyl Jaqypov quttyqtady. Munan soń qala ákimi qolarbalar kerýenin tamashalady. Sıtı-ortalyqqa qaraı sál júrseńiz, qaladaǵy barlyq bilim oshaqtarynyń óner týyndylary qoıylǵan kórmege tap bolasyz.
Munda zymyran, alyp kemeler, «EKSPO» qalashyǵy, «Hanshatyrdy» kórýge bolady.
Keshke oblystyq ákimdik aldyndaǵy sahnada jergilikti ónerpazdarmen qatar, Reseı juldyzdary óner kórsetpek.
