Qostanaı qalasynyń bıýdjetine ózgerister engizildi

ASTANA. KAZINFORM – Qostanaı qalalyq máslıhaty 2024 jylǵy jeltoqsanda qabyldanǵan «2025-2027 jyldarǵa arnalǵan Qostanaı qalasynyń bıýdjeti týraly» sheshimine birqatar túzetýler engizdi.

Jańa sheshimge sáıkes, 2025-2027 jyldarǵa arnalǵan Qostanaı qalasynyń bıýdjeti qaıta bekitildi.

2025 jylǵa arnalǵan kirister kólemi 119 mlrd 846 mln 807 myń teńge bolyp aıqyndaldy. Onyń ishinde:

– salyqtyq túsimder – 85 mlrd 802 mln 82 myń teńge;
– salyqtyq emes túsimder – 574 mln 937 myń teńge;
– negizgi kapıtaldy satýdan túsimder – 11 mlrd 774 mln 984 myń teńge;
– transfertter – 21 mlrd 694 mln 804,2 myń teńge.

Shyǵys bóligi 130 mlrd 120 mln 10,1 myń teńgeni qurady. Taza bıýdjettik kredıtteý – 335 mln 706 myń teńge, al qarjylyq aktıvtermen operatsııalar boıynsha saldo – 2 mlrd 674 mln 439,3 myń teńge kóleminde belgilendi.

Qostanaı qalasynyń jergilikti atqarýshy organynyń 2025 jylǵa arnalǵan rezervi 384 mln 919 myń teńge mólsherinde bekitildi. Sheshim 2025 jylǵy 1 qańtardan bastap kúshine enedi.

Sonymen qatar, 2026 jylǵa arnalǵan bıýdjet kórsetkishteri naqtylandy. Aldyn ala málimet boıynsha, kirister 128 mlrd 279 mln 90,4 myń teńgeni, shyǵystar 126 mlrd 811 mln 87,4 myń teńgeni quraıdy.

Tolyǵyraq qujatpen silteme arqyly tanysýǵa bolady.

Aıta keteıik, Qostanaı oblysynda 96 mln teńge agrarlyq sýbsıdııany urlaǵandar sottaldy.