Qostanaı qalalyq aýrýhanasy qaıtadan ınfektsııalyq statsıonarǵa aınaldy

QOSTANAI. QazAqparat – Qostanaı oblystyq densaýlyq saqtaý basqarmasy búginnen bastap qalalyq aýrýhana bazasynda ınfektsııalyq statsıonardyń qaıta ashylǵanyn málimdedi, dep habarlaıdy QazAqparat.

«Búgin saǵat 14.00-den bastap Qostanaı qalalyq aýrýhanasynda shuǵyl (sonyń ishinde jaraqat pýnkti) jáne josparly patsıentterdi qabyldaý toqtatyldy. Kómek oblystyq aýrýhanada kórsetiledi. Qazirgi ýaqytta qalalyq aýrýhananyń patsıentterin shyǵarý jáne oblystyq aýrýhanaǵa aýystyrý júzege asyrylyp jatyr. 28 shildeden bastap densaýlyq saqtaý basqarmasy basshysynyń buıryǵymen qalalyq aýrýhana bazasynda 280 tósek orynǵa arnalǵan ınfektsııalyq statsıonar, onyń ishinde 20 reanımatsııalyq statsıonar ashylady», – dep habarlady vedomstvodan.

Bul óńirde KVI juqtyrǵandar sanynyń artýyna baılanysty.

Buǵan deıin habarlanǵandaı, Qostanaı oblysynda táýligine eki júzden astam koronavırýsqa shaldyqqan adam tirkelgen.