Qostanaı qalalyq aýrýhanasy karantınge jabyldy
QOSTANAI. QazAqparat – Qostanaı qalalyq aýrýhanasy karantın rejımine kóshirildi, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
«Qostanaı qalalyq aýrýhanasynda qyzmetkerler men emdelýshilerge koronavırýs ınfektsııasyna qarsy taldaý jasaldy. 23 sáýir kúni proktologııalyq bólimshede jatqan 1965 jyly týǵan patsıentke COVID-19 dıagnozy qoıyldy. Osydan keıin birden epıdemııaǵa qarsy is-sharalar qabyldanyp, aýrýhanada bolǵandardyń bárinen analız alyndy. Ázirge aýrýhana karantın rejımine kóshiriledi», - deıdi vedomstvonyń baspasóz hatshysy Ksenııa Jılkıbaeva.
Búgin KVI anyqtalǵan emdelýshimen jaqyn qarym-qatynasta bolǵan barlyq qyzmetkerler men naýqastar qalalyq aýrýhana ishine oqshaýlandy. Aýrhanaǵa júginetin adamdar joldamamen oblystyq aýrýhanaǵa jiberiledi.
