«Kostanay-Invest 2017» forýmy bastaldy
«Kostanay-Invest 2017» - Qostanaı oblysynyń áleýmettik-ekonomıkalyq damý jetistikterin kórsetetin ashyq dıalog alańy. Eki kún boıy jalǵasatyn aýqymdy sharaǵa QR Investıtsııa jáne damý vıtse-mınıstri Erlan Qaıyrov QR Mádenıet jáne sport vıtse-mınıstri Asqar Batalov, Qazaqstan damý banki basqarmasynyń tóraǵasy Bolat Jámishev, Qazaqstandaǵy Azııa Damý banki ókildiginiń dırektory Djovannı Kapanellı jáne Búkilálemdik bank ókili Eraly Beksultan qatysýda. Olardan tys dıplomatııalyq korpýstyń ókilderi, otandyq jáne sheteldik sarapshylar, shet elderdegi bıznes-qurylymdardyń ókilderi, halyqaralyq uıymdardyń jetekshileri bar.
Investıtsııalyq forým tórt ekonomıka salasy: aýyl sharýashylyǵy, taý-ken metallýrgııasy, mashına jasaý men týrızm taqyryptarynda ótedi. Forýmnyń basty maqsaty -kásipkerler arasyndaǵy máselelerdi talqylaý, tájirıbe almasý, bıznes-ortany jaqsartý. Qostanaı oblysy ákimdigi óńirge ınvestıtsııa tartý baǵytynda jan-jaqty jumystar atqaryp jatyr. Óńirde básekege qabilettilik basymdyqtarynyń deńgeıin kóterý jáne oblystyń ınvestıtsııalyq klımatyn jaqsartýǵa baǵyttalǵan qadamdar qarastyrylǵan. Máselen, ótken jyly syrtqy ınvestıtsııalardyń jalpy kólemi 11,1 mlrd teńgeni qurap, kórsetkish byltyrǵy jylǵa qaraǵanda edáýir artqan.
«Kostanay-Invest 2017» qatysýshylary búgin aqparattyq týrǵa shyqty. Rýdnyıdaǵy Sokolov-Sarybaı ken óndirý basqarmasy, «Jas-Qanat 2006» JShS, «Mılh» JShS, «Baıan Sulý» JShS, «EvrazKaspıanStal» JShS, «SaryarqaAvtoProm» JShS ókilderi shet elderden kelgen kásipkerlerge óz ónimderin usynyp, tájirıbe almasady.
Erteń oblystyq fılarmonııada halyqaralyq halyqaralyq ınvsetıtsııalyq forýmnyń jumysy qorytyndylanady.