Qostanaı emhanalaryna 80 sanıtarlyq avtokólik tapsyryldy
QOSTANAI. QazAqparat – Qostanaı oblysynyń medıtsınalyq mekemelerine 80 sanıtarlyq avtokólik satyp alyndy, dep habarlaıdy QazAqparat.
Búgin oblys ákimi Arhımed Muhambetov óńirlerge 15 sanıtarlyq avtokóliktiń kiltin tapsyrdy. Jalpy, 80 sanıtarlyq avtokólikti satyp alýǵa jergilikti bıýdjetten 475 mln teńge bólindi.
70 kólikti «SaryarqaAvtoProm» JShS qurastyrǵan. Qalǵanyn «Azııa Avto» AQ arqyly alyndy.
«Qazir 39 avtokólik daıyn, qalǵan 41 avtokólik sáýir aıynyń sońyna deıin qurastyrylady.
Satyp alynatyn mashınalardyń negizgi bóligi – 70 birlik aýdandarǵa jetkiziledi. 10 avtokólik Qostanaı qalasynyń medıtsınalyq mekemelerine beriledi.
Sonymen qatar koronavırýstyq ınfektsııanyń taralýyna jol bermeý boıynsha belsendi jumys atqyrylyp jatyr.
Oblysta ınfektsııaǵa qarsy is-sharalar úshin 1 214 tósek oryn nemese oblystyń barlyq tósek kóleminen 26% quraıdy.
Provızorlyq, karantındik statsıonarlarda jáne ınfektsııalyq tósekterde 178 adam aýrýhanaǵa jatqyzylyp, 191 adam COVID-19-ǵa teris nátıjeden shyǵaryldy»,- dedi oblys basshysy.
Oblysta úı karantınine 1 B sanattaǵy elderden (TMD elderi jáne respýblıkanyń qolaısyz aımaqtarynan, provızorlyq statsıonarlardan karantınnen keıin) kelgen 2121 adam ornalastyryldy. Epıdemııaǵa qarsy sharalardy úshin jergilikti bıýdjetten medıtsınalyq jabdyqtar, dezınfektsııalyq quraldar, qorǵanys kombınezondary, maskalar satyp alýǵa 2,1 mlrd teńge bólindi.
«Óńirge 11 myń qorǵanysh kombınezony, 3,5 myń kózildirik, 800 birlik dezınfektsııalaý quraly, 10 myńdáke jáne medıtsınalyq maska satyp alyndy. Oblysqa memlekettik qor qarajatynan 535 mln teńgege jeke qorǵanys quraldary túsedi. Medıtsınalyq uıymdardyń materıaldyq-tehnıkalyq bazasyn jaqsartý halyqqa ýaqytyly jáne sapaly kómek kórsetýge múmkindik beredi», - dedi Arhımed Muhambetov.
