«Qostanaı-TsTO» keden beketiniń sheneýnikteri paramen ustaldy
ASTANA. QazAqparat - 2016 jyly 12 jeltoqsanda 18 saǵat 30 mınýtta uzaqqa sozylǵan shuǵyl-izdestirý sharasynyń nátıjesinde Qostanaı oblysy boıynsha memlekettik kiris departamenti ishki qaýipsizdik basqarmasy men sybaılas jemqorlyqqa qarsy is-qımyl Ulttyq bıýrosy Qostanaı oblystyq departamentiniń qyzmetkerleri birlesip «Qostanaı-TsTO» keden beketiniń laýazymdy tulǵalaryn ustady.
Bul týraly Facebook-te QR QM Memlekettiń kiris komıtetiniń resmı ókili Murat Jumanbaı habarlady.
Olarǵa 2016 jyldyń qyrkúıeginen jeltoqsanǵa deıin kedendik taýarlardy jáne kólik quraldaryn rásimdeýde ońdy sheshim shyǵarý úshin udaıy para alyp keldi degen kúdik keltirilýde.
Osy faktiler sotqa deıingi tergeý reestrine para alý isi boıynsha tirkeldi. 
