Qostanaı bıdaıy alǵash ret Afrıkaǵa eksporttala bastady
QOSTANAI. QazAqparat - Jyl basynan beri Qostanaıdan álemniń 25 eline 800 myń tonna bıdaı jóneltildi, dep habarlaıdy QazAqparat Memlekettik astyq ınspektsııasynyń oblystaǵy jetekshisi Serik Qabıevke silteme jasap.
Qazan aıynyń basynan beri Qostanaıda 73 myń tonna bıdaı temir jol vagondaryna tıelgen. Onyń 54,6 myń tonnasy eksportqa shyǵaryldy.
«2018 jyldyń qańtar aıynan bastap, álemniń 25 eline 800 myń tonna astyq eksporttaldy. Syrtqy naryq jyl ótken saıyn ulǵaıyp keledi. Osy jyly birinshi Sonymen qatar, Belgııa, Norvegııa, Grekııa, Ispanııa, Italııa, Shvetsııa, Túrkııa syndy elderden suranys mol. Búginge deıin 900 temir jol vagonyna astyq tıep úlgerdik», - dedi Serik Qabıev.
Aıta keteıik, bıyl Qostanaı oblysynda 5 mln 214 myń tonna astyq jınaldy. Ortasha túsim 12,8 tsentnerdi qurady.
Al oblys ákimi Arhımed Muhambetov qostanaılyq dıqandarǵa bıdaıdy tıimdi satý joldaryn qarastyrý kerektigin tapsyrǵan bolatyn.
