Qostanaı bazarlarynda qarbyz ben qaýyndy tekseretin mobıldik zerthana jumys isteýde
QOSTANAI. 18 tamyz. QazAqparat - Qostanaıda baqsha daqyldaryn jappaı satý oryndarynda QR Densaýlyq saqtaý mınıstrliginiń sanıtarlyq-epıdemıologııalyq qadaǵalaý komıteti departamentiniń kóshpeli zerthanalyq beketi jumys isteı bastady.
Qarbyz ne qaýyn satyp alǵan kez kelgen adam ónimderdiń qaýipsizdigin tekserý maqsatynda mamandarǵa júgine alady. Nıtrattardy tekserý jedel zertteýi tegin júrgizilýde.
Departamenttiń mamandary baqsha daqyldaryn tekserý boıynsha shara «taza azyq-túlik - deni saý halyq» respýblıkalyq aktsııasynyń aıasynda ótkizilip otyrǵanyn habarlady.
Keshe zerthananyń kóshpeli beketi oblys ortalyǵyndaǵy ortalyq bazar men eki dúkenniń qasynda turdy. Búgin jyljymaly zerthana Jastar kóshesindegi saýda qatarlaryna attandy.
